PictureFoto-kollage deur Adéle Theron

























uit die vergetelheid deur Adéle Theron

die Vrystaat is boom-arm
met spruite net hier en daar
om die hart te verwarm
maar langs die Sandrivier
is volop klip en struike te vind

uit die vlakte – eeue gelede -
vlug *Leghoya se mense
na die hoogtes om vrede
op Brandberg se plato te vind

sonder sement en polyfilla
bou hulle klipkrale
waar skaap en bok
onder volmaan en in donkernag
’n holte en ‘n rusplek vind

geen bome geen dakbalke
geen grasdak soos elders
uit kindbrein vorm igloe-hut
vrou en kind te beskermd
terwyl mans na gemsbok
en swartwildebeeste mik
om vleis vir die pot te vind

nuuskierig verwonderd oor
hul verdwyning – is hul uitgeroei?
hul bou-en leefstyl onbekend
uit ystergereedskap en klipbakke
sou studente antwoorde wou vind

maar wanneer stofwinde oor
die vrystaat woed
luister springbok se kind
na die roep van ’n volk
reeds eeue gelede
in fluistergedagtes verstrooi

*geen sekerheid hieroor nie

©adéle theron