Gamkaskloof deur Alet van Heerden
Diep in die Swartberg vou die berg skielik oop. Twee groot rotsarms omvou ‘n 30 kilometer kloof – afgesonderd en rustig tussen die kenmerkende gekleurde rotsformasies en geplooide sandsteen.
Aalwyne groei oorvloedig teen die berghange met mildadige oranje-rooi blomme wat die vallei gloeiend verhelder in die wintermaande. Die vlammende kleure en ontoeganklike vreemde vallei in die boloop van die Gamkarivier, word daarom ook Die Hel genoem. Die vallei is net bereikbaar deur die buitewêreld langs die steil loop van die rivier, wat voortvloei in sy baan deur die vrugbare vallei deur twee sytakstrome.
Dis ‘n ware lushof; 'n paradys in die afgesonderde rustigheid, met die lug en water absoluut onbesoedel. Dis ‘n plek met vreemde ego’s in ‘n oerwêreldse wildernis. Hier waar luiperds, bobbejane en wildsbokkies jag – ‘n wêreld van bergklowe wat diep in die berghange insny – versag deur strome, omsoom met plantegroei wat wemel van wildlewe. Sommige van hierdie klowe is so diep dat dit dae, selfs weke kan neem om deeglik te verken.
Heide en veldblomme lê soos ‘n veelkleurige kombers oor die berghange. Selfs waar bergbrande gewoed het, word die swart pad van die vuur spoedig versag deur glorieryke massas vuurlelies en ander veelkleurige blomme.
In die winter- en lentemaande is die berghange glansend versier deur proteas, watsonias of pypies – ‘n aanskoulike kleurvertoning soos min.
Gamkaskloof
Twee rotsarms omvou jaloers
waar helder strome hul koers
baan deur Gamka se klowe
in berghange, diep rowe
welig deur plante versag –
heide- en veldblomme-prag.
Aalwyne blom oranje-rooi
waar luiperd wag vir sy prooi.
‘n Lushof – ‘n paradys
is wat Gamkaskloof jou wys.
Diep in die Swartberg vou die berg skielik oop. Twee groot rotsarms omvou ‘n 30 kilometer kloof – afgesonderd en rustig tussen die kenmerkende gekleurde rotsformasies en geplooide sandsteen.
Aalwyne groei oorvloedig teen die berghange met mildadige oranje-rooi blomme wat die vallei gloeiend verhelder in die wintermaande. Die vlammende kleure en ontoeganklike vreemde vallei in die boloop van die Gamkarivier, word daarom ook Die Hel genoem. Die vallei is net bereikbaar deur die buitewêreld langs die steil loop van die rivier, wat voortvloei in sy baan deur die vrugbare vallei deur twee sytakstrome.
Dis ‘n ware lushof; 'n paradys in die afgesonderde rustigheid, met die lug en water absoluut onbesoedel. Dis ‘n plek met vreemde ego’s in ‘n oerwêreldse wildernis. Hier waar luiperds, bobbejane en wildsbokkies jag – ‘n wêreld van bergklowe wat diep in die berghange insny – versag deur strome, omsoom met plantegroei wat wemel van wildlewe. Sommige van hierdie klowe is so diep dat dit dae, selfs weke kan neem om deeglik te verken.
Heide en veldblomme lê soos ‘n veelkleurige kombers oor die berghange. Selfs waar bergbrande gewoed het, word die swart pad van die vuur spoedig versag deur glorieryke massas vuurlelies en ander veelkleurige blomme.
In die winter- en lentemaande is die berghange glansend versier deur proteas, watsonias of pypies – ‘n aanskoulike kleurvertoning soos min.
Gamkaskloof
Twee rotsarms omvou jaloers
waar helder strome hul koers
baan deur Gamka se klowe
in berghange, diep rowe
welig deur plante versag –
heide- en veldblomme-prag.
Aalwyne blom oranje-rooi
waar luiperd wag vir sy prooi.
‘n Lushof – ‘n paradys
is wat Gamkaskloof jou wys.
