Magaliesberg deur Uysie Albert

tussen moepels en mispels
wilderosyn en aalwyn
waar rante inmekaar vou
in die verte gevleg
en lugspieëlings op die horison
blinkblou damme verberg

stilte raas
in die vlerk van vlinders,
grassade wat skouers skuur,
'n arend tydloos-stil in vlug
en voëlsang
wat aan boomtakke hang

oker rotse, groot en grof
in oerritueel opmekaar gestapel
in perfekte balans
'n burg in ewewig...
magalieberg, dis hiér
waar moepels en mispels vrug

Foto: De Waal Venter As mens bo-op die Magaliesberg, naby Rustenburg, staan en jy kyk noord, sien jy die Pilansberg-krater doer in die verte.