Knysna
Foto: Myra Lochner
Knysna-woude deur Adéle Theron
in die Knysna-woude
het ons hierdie vreugde-vrolike
negosie-paradys,
weggesteek in malse tuine
(dalk soos Eden),
langs ’n spruit ontdek
’n bekertjie koffie
het hulle ons aangebied,
met goue heuning
suiwer en veldsoet,
melktert en ’n koesister
was deel van die spyse-
saam met gesels en vertel
van oupa en ossewa
wat reeds dekades gelede,
met trekspan vir transport
die plekkie hier, het ontdek
bottels vol vrugte,
halwes ingelê,
ander soet konfyt,
gekappie en gelint
ding mee om aandag
met blik op blik
uit Noag se ark gered;
terwyl die outyd teen langsaanmuur
(nommer asseblief? se apparaat
en "onder die doek" kameras)
se rakke snags rondwals
met spoggerig’ onderrokvalle,
deur liefdeshand versier
eendag weer
wil ek kom loer
na die oudaagse tyd,
waar klip en spruit
en Edenwoud se avontuur,
’n stilte plaas op
nuwerwetse oorlewingstryd
in die Knysna-woude
het ons hierdie vreugde-vrolike
negosie-paradys,
weggesteek in malse tuine
(dalk soos Eden),
langs ’n spruit ontdek
’n bekertjie koffie
het hulle ons aangebied,
met goue heuning
suiwer en veldsoet,
melktert en ’n koesister
was deel van die spyse-
saam met gesels en vertel
van oupa en ossewa
wat reeds dekades gelede,
met trekspan vir transport
die plekkie hier, het ontdek
bottels vol vrugte,
halwes ingelê,
ander soet konfyt,
gekappie en gelint
ding mee om aandag
met blik op blik
uit Noag se ark gered;
terwyl die outyd teen langsaanmuur
(nommer asseblief? se apparaat
en "onder die doek" kameras)
se rakke snags rondwals
met spoggerig’ onderrokvalle,
deur liefdeshand versier
eendag weer
wil ek kom loer
na die oudaagse tyd,
waar klip en spruit
en Edenwoud se avontuur,
’n stilte plaas op
nuwerwetse oorlewingstryd