Foto: Uysie Alberts

Gamkaskloof deur Uysie Alberts

teen skilpadpas daar gekom
oor klippe deur dongas
steiltes en draaie elmboogkrom
die smal paadjie tot in die hel

ons kruip vroeg in die katelkooi
bodeel van staldeur oopgegooi
'n soel wind wat bolwang fluister
soen my wakker in die duister -
dié gesig laat my asem stol:
omhels met deurkosynraam
reg in die hart van die nagskildery
hang aan fluweellint
gehou deur onsigbare hand
venus - die enigmatiese liefdester
wat helder seine na my straal ...
vanoggend is ek jóú geskenk; net joune
om mee te maak wat jy bepaal!
o, die draaikolk in haar oë suig my in
ek hang aan haar silwer lippe,
stom van verwondering
oor die grootsheid - ek 'n stippel

(dié ervaring bly kosbaar
waar jou skat is sal jou hart ook wees)
ek het 'n minuskule plek
in die groot raam wat die heelal omtrek

Gamkaskloofbesoek Mei 2015:© Fanie Marais